Sllovenia regjistron numrin më të lartë ditor të rasteve me Covid-19

15:52 | 3 Nëntor 2021
Arditë Shkodra

Sllovenia regjistroi një rekord të lartë të rasteve të reja me Covid-19.

Të martën u regjistruan 3,456, ose 44.7% e numrit të njerëzve të testuar, tha instituti shtetëror shëndetësor, pasi ekspertët mjekësorë sugjerojnë kufizime më të forta për të frenuar pandeminë, transmeton arbresh.info

Aktualisht ka 29,354 raste aktive të COVID-19 në shtetin e vogël alpin me rreth dy milionë njerëz. Janë 1.12 milionë njerëz të vaksinuar plotësisht, ose 53% e popullsisë së përgjithshme.

Ekspertët mjekësorë këtë javë propozuan shtrëngimin e kufizimeve në tubime, duke përfshirë orë më të shkurtra të hapjes për baret dhe restorantet dhe punën nga shtëpia për punonjësit e sektorit publik, raportoi televizioni kombëtar.

Qeveria pritet të diskutojë për pandeminë të enjten./reuters/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm